Mei Fiaker

Mei Fiaker der hot zwa PS,
gmiatlich geht’s dahin und ohne Stress.
I fohr mit meine Gäst durch Wien,
weu i a echter Wiener bin.

I kau von dieser Stadt sehr vü berichten,
a wengal dua i a wos dazua dichtn.
A Hetz muas sein, do stert ka Schmäh,
wenn i vur so an Denkmal steh.

Sehr oft sog i: „Passt auf ihr Leut,
dass ihr des nocha net bereut,
der Fenstergucker olles sicht,
der schreibt daunn an Geheimbericht.“

Den meisten is des net zu dumm,
mit PC und Handy rennans rum.
Mein Fiaker saumt die fremden Leit,
sichst daunn im Facebook heit.

Des mocht ma oba nix mehr aus,
i schreib „Red Bull“ auf mein Fiaka drauf,
kassier daunn fettes Werbegöd,
jo so is heite hoit die Wöt.

Helmut Maier Moir 14. September 2013