Das kann passieren, wenn man im Trabi hinten sitzt

Dialog zum Thema Beobachtungen

von  bratmiez

"Gugge ma, Muddi, dort driebn schdeht ä vorlassnor Eenkoofswaachn!"
"Ei haa, wer haddn den da schdehn gelorssn?" 
"Weeßsch ne. Off schedn Fall solldn morr ma nachguggn, nüschwaohr?"
"Haa, da lieschd joa ooch noch schede Menge Zeusch drinne."
"Odor is das felleischd ne Falle?"
"Nää, das gloobsch abor ne. Wieso solldn das ne Falle sein?"
"Na weil, isch hob gestorn im Färnsehn so´n Berischd gesehn. Off´m RTL, weeßte?!"
"Un worum gingsn da?"
"Um unfähre Mitbürscher un so." Felleischd is scha dor Besitzor nur ma off´m Klo."
"Abor hier gibds doch gor kee Klo, Babba."
"Da hassde ooch widder Räschd."
"Mir worden am Bäsdn ärschdma ä paar Minudn und dann schlaachn mer zu."
"Schetz weeßsch worum isch disch geheiroded hob. Du bist ä Fuggs!"
"oor, dangäää!"
"Isch meene: nä so schlau abor rieschn duste soo, hehe."
"Nu binnsch abor beleidschd!"
"Habdsch doch nä so! Das war doch nur ä Schärz, Muddi."
"Deine Schärze findsch üborhaubd nä lusdsch, weeßde das?"
"Heilischor Schdrohsagg, itz issor wegg!"
"Wär dänn?"
"Na dor Eenkoofswaachn, du olle Drulla!"
"Haste gesehn, wer den weggeschobn hadd?"
"Nää, isch mussd mir joa dei Gemäggor anhörn!"
"Saach bloß, ICH hab schetz Schuld. Meine Muddor hadde schon Räschd."
"Deine Muddor?"
"Ha, die saachde immor: "Der Schärk is nüschd für Disch!"
"Mei Namä is Schörg und nä Schärk: Jot, Öö, Er, Ge, Mänsch!"
"Un ä Kriemlkaggor biste ooch noch!"
"Isch nänn Disch doch ooch nä Schornien obwohl de Scharnien heeßt. Das is ä Unnerschied!"
"Is scha schon guud. Wer haddn nu den Waachn weggeschobn, hmm?"
"Ach, was weeß isch? Is doch ooch scheißegal. Isch hab Hunger. Steisch ei, Muddi!"
"Biste mir nu widdor guud?"
"Nur, wennde niemähr Schärk zu mir saachsd un deine Muddor ausm Schbiel lässd!"
"Vorschbrochn! Un nu lass uns zor Waldschänke fohrn. Die ham dort die leggren Linsn!"
"Gugge ma Muddi ... !"
"Wasn? Wo denn?"
"Oach nüschd!"
"Nu saach schunn!"
"Nää, mir wolln unns doch nä nochma weeschn äm Eenkoofswaachn schreidn, odor?"
"Schdümmd, Babba. Simmor bald da?"
"Haa, isch kann de Linsn schon rieschn, läggor!"

Möchtest Du einen Kommentar abgeben?
Diesen Text kommentieren

Kommentare zu diesem Text

Caryptoroth (37)
(27.03.08)
Dieser Kommentar ist nur für eingeloggte Benutzer lesbar.

 bratmiez meinte dazu am 27.03.08:
joa, die hießen immer määändüü! hehe. danke!

 Maya_Gähler (27.03.08)
... und das Kind, hinten im Trabi hiess sicher Schandalle, ne?!
Grüesslis von der Maya

 bratmiez antwortete darauf am 27.03.08:
nää, schaggeline, muah!

 Maya_Gähler schrieb daraufhin am 27.03.08:
gröhl... ja die is auch gut...
Zentoolino (60)
(27.03.08)
Dieser Kommentar ist nur für eingeloggte Benutzer lesbar.

 bratmiez äußerte darauf am 27.03.08:
die doch nüsch, hehe - ICH!
Zentoolino (60) ergänzte dazu am 28.03.08:
Diese Antwort ist nur für eingeloggte Benutzer lesbar.
Lebenslust (63)
(27.03.08)
Dieser Kommentar ist nur für eingeloggte Benutzer lesbar.

 Owald (27.03.08)
Wo bleibt der Höordext?
Möchtest Du einen Kommentar abgeben?
Diesen Text kommentieren
Zur Zeit online:
keinVerlag.de auf Facebook keinVerlag.de auf Twitter keinVerlag.de auf Instagram