Die Autofahrt

Erzählung zum Thema Humor

von  HEMM

Wenn Du angemeldet wärst, könntest Du Dir diesen Text jetzt auch anhören...

Nau waun fohrst´n endlich los?

 
Dua net hudln, bist scho augschnoint?
 
Na guat, schnoll i mi hoit au, daunn fohrst ob endlich los.

 
Jo, sonst haustda wieda dein Bluza au, den schwächstn Teil von dein Körpa.
 
Gib Gas, der do hint is eh no weit weg. 
Ui des wor do knopp,  jetzt hod er sie eibremsn miassn und
zeigt da den Vogl.

Schau da den Deppn do vurn au, der fohrt und fohrt net weida.
Übahol erm afoch.

 
Des geht net, do kumman´s ma jo olle entgeg´n.
 
Schau der wort, kaunst eh vurfohrn.

 
Na der wort net , der fohrt auf mi zua.

Wos du immer denkst, i wa scho längst fiere gfohrn.

 
Jo du und daun host a hinigs Auto kopt, vurige Wochn.
 
Fohr rechts, fohr rechts vorbei, do is Plotz.

 
A du Depp, do parkn jo die Auto, jetzt kennama wortn bis olle vorbei san.
 
Jo weust so laungsaum bist, i het mi scho längst links eine druckt.

 
Jo du, oba i bin hoit vursichtig, net so brutal wia du beim Autofohrn.
 
Wos bleibst denn scho wieda steh?

 
Na sixt net den Buam, der do steht? Soi i erm zaumfihrn?
 
Wos mocht denn der do, hoit den gaunzn Verkehr auf, der Bua.
Warum is der net in da Schul, um die Zeit?


Ach so, gestan host gschimpft, wie ana am Zebrastreifn drieba gfohrn is und du mit dein Buam grod rieba gaungan bist.
Heit regst di auf, weu i steh bleib.
 
Des wor jo a am Zebrastrafn und net do.

 
Ui jetzt is ma mei Haundtaschl obe gfoin,… na wo is denn?
 
Schau lieba wost fohrst und suach net des Taschl,
fohr rechts, fohr rechts, schnö,
jetzt host erm gstraft, wegn deina bledn Suacharei.

 
Schau do kummans ma olle entgegen.
 
Na klor, weust so vü links fohrst, ka Wunda.
Oba dua da nix au,  fohr afoch in da Mittn durch,
de wern scho ausweichn.

 
Jetzt bin i an auffe gfohrn, des hot oba gschebat
und mei Gniea hob i ma a aukaut.
Du schau der Mau do mit´n Kappl, der winkt ma.
 
Jo sicha bist so bled gfohrn, bleib hoit do steh und frog erm wos er wü.

 
Wos sogt a? Wos hoda gsogt?

„Aussteigen bitte“, hot a gsogt.

 
Na guat, steig ma hoit aus und gema zum nächst Autodrom. 
 
 
Helmut Maier Moir ©  Mai 2011
 


Anmerkung von HEMM:

Der eingestellte Hörtext hilft dir eventuell, alles besser zu verstehen.

Möchtest Du einen Kommentar abgeben?
Diesen Text kommentieren

Kommentare zu diesem Text

Anne (56)
(26.05.11)
Dieser Kommentar ist nur für eingeloggte Benutzer lesbar.

 HEMM meinte dazu am 26.05.11:
LACH MICH KAPUTT; BIS SELBST IM PRATER DAMIT GEFAHREN
das sind die Auto die einen Bügel haben und von oben den Strom bekommen, dass einen Anne damit rumsausen kann und alle anfahren oder besser anbumsen kann.
Bussi dein Freund Urhemm

 RomanTikker (09.06.11)
I hau mi o! Griawig! :o)

 HEMM antwortete darauf am 09.06.11:
Hallo Roman!
Danke für deine Empfehlung. Musste erst auf deiner Seite nachlesen, ob du aus Österreich bist oder aus Deutschland.
Gratuliere: „Die Mundort passt“.
LG HEMM
dieKleineSeele (26)
(13.06.11)
Dieser Kommentar ist nur für eingeloggte Benutzer lesbar.

 HEMM schrieb daraufhin am 13.06.11:
Ach liebe kleinen Seele, habe ich doch extra einen Ton - Text eingestellt. Es kann natürlich sein, dass du den nicht öffnen kannst und daher, die ein wenig schwierige Mundart, 3x lesen musstest. Aber ich freue mich, dir ein wenig Spaß bereitet zu haben und bedanke mich für deinen Kommentar. "Die Frage" würde dir eventuell auch gefallen.
LG Helmut (HEMM)
Möchtest Du einen Kommentar abgeben?
Diesen Text kommentieren
Zur Zeit online:
keinVerlag.de auf Facebook keinVerlag.de auf Twitter keinVerlag.de auf Instagram