Das Geschenk

Im Bauhaus siacht mei Frau an großen Oleanda.
„Geh schenk ma den, den stömma auf´d Veranda.
Den gauzen Summa über eine Blütenprocht,
die Nochbarin aus Zorn a nimma locht.“

Jetzt is koit, i stö erm rein ins Zimmereck.
„I kaunn net Fernseh“, sogt mei Frau, „do muas er weg.“
„Im Schlofzimma kennt ma do a Bett vernicht´n.“
„Jo, dass du die drucken kaunnst, von deine Pflichtn.“

Da Bua im Kinderzimma schreit: „Do kaun i nimma spün,
hauts weg die Stauden mit die Blattl, mit die vün.“
Jetzt steh i do und was net wos i dur,
wo find i a Platzl für den Oleanda nur?
 
Do foit ma ein, i stö des Drumm ins Speisezimma,
a Essen gibt’s daunn durt im Winter nimma.
Jetzt putz man auf und mochen erm gaunz schen,
ois Oleandachristbam wird er durt bis zum Frühling stehn.


Helmut Maier Moir Nov. 2012