Do war se wiedr dia Dreckschleudr. Wie gwohnd und it andersch zu erwarta, verdeilt dia ihrn Dreck per Schleudergang. Des hinterlias übrall Drecksschpura. Was für a Saurei!
Doch wa soll i do macha?
Drecksschleudra dia könnet it andersch als übrall Dreck schleudra.
Will ma dene z Leibe rücka, hot ma viel zom doa. Wer mag au allerweil so ra Schleudr henderherräuma? I jedefalls itta..
Denn Dreck hau i jo selbr, zwar it obedengt am Stecka , ich han nämlich koin Stecka, aber a weng davo onterm Teppich.
Ja ond so han i mit meim oigena Dreck zom toa, dem onderm Teppich, kann mi also it wirkli om da Dreck von solche Drecksschleudra kömmra. Nadürli wundr i mi, i wondr mi emmer wiedr, was do manchmal an Oradt so romgschleudrat wird.
Wo die nur da ganz Mischt au emmer her brengat?
Egal, i roll etzt mol dr Teppich ei, nehm da Schtaubsaugr, en Dampfschtrahlr, da Schrubber ond am Beschta a ganza Flascha Domeschtos und dann blitzts au wiedr onterm Teppich.
Leider it lang. Denn dr nächschte Dreck kommt beschtimmt.
Ela
Hinweis: Du kannst diesen Text leider nicht kommentieren, da der Verfasser keine Kommentare von nicht angemeldeten Nutzern erlaubt.
Kommentare zu diesem Text
chichi† (80)
(27.07.10)
Dieser Kommentar ist nur für eingeloggte Benutzer lesbar.
krebs (53)
(27.07.10)
Dieser Kommentar ist nur für eingeloggte Benutzer lesbar.
