wiedr alloi...

Innerer Monolog zum Thema Allzu Menschliches

von  Feuervogel

i be wiedr alloi dahoi
luschtig fend i des itta
eher traurig
aber wa soll i macha
ka doch nemand zo seim Glück zwenga
da muas i hald dure ganga
ohne dure zdrea
da heul i halt a weng
so wie scho oft
sterba tu i da au itta
abr leba andersch wer halt scheener
so mit oinem der da hockat
uf em sofa
ond au a mol mei Hand hält
ond mit mir übr die Madradza hoizt
mei egal do muas i halt
selbr ran
isch au wurscht
macht au schpass, gell
verzweifla goat gar it
kämpfa isch bessr
hoffa kann ma allaweil
von vorn afanga au
muas ma halt gucka was des leba
so mit si bringt
bei mir isch eh immer ebes los
au wenn i alloi be
dia welt isch no emmer
bei mir vorbeizoga
mir kommt nix aus
au wenn i alloi be
ben i immer mit alle
au mit ihm
denn liba tu i ehn trotzdem no
au wenn i es ehm nie gsagt han
war ja au zfrüa
do isch ma halt no zrickhaltend
wartet ab, gell
ond dann hen mer do so en Konflikt ghätt
mei lauder verlezunga
des passiert halt
isch au gar it schlemm
ka ma ja dureganga ond lerna
ond wenn ma si liabt
dann gibts en weg
hau i denkt
isch abr et emmer so
mancher ka do nemme weiterganga
bleibt oifach standa
wois au it dia liab hot sich
halt no it so stark gebärdet
abr ka ja no komma
etzt warta mer halt
ond hocket uf em sofa
etzt dräum i halt
ka au schee sei
aber leba andersch wär halt scheener

Michaela Möller

Anmerkung von Feuervogel:

Ich versuche gerade das Leben leicht zu nehmen ond des goat am beschda uf schwäbisch.......

Für M.

Hinweis: Du kannst diesen Text leider nicht kommentieren, da der Verfasser keine Kommentare von nicht angemeldeten Nutzern erlaubt.

Zur Zeit online:
keinVerlag.de auf Facebook keinVerlag.de auf Twitter keinVerlag.de auf Instagram