S`Gschichtli vo de Wölki und em vorwitzge Rägetröpfli (Mundart) Adventskalender, 14.12.2007

Kindergeschichte zum Thema Weihnachtsgeschichte

von  Maya_Gähler

Es esch emol wieder an de Ziit gsi, dass neui Rägetröpfli gebore händ werde selle. D`Wölkli händ sich zamedue und gemeint, guet so sells si. Sie händ es ihrige due und kurzi Ziit später send unendlich velli Rägetröpfli gbore worde.
Wie fascht jedesmol häts zaghafti, dünneri, dickeri, vorwitzigi, schlaui, weniger schlaui, neugierigi und wissbegierigi Tröpfli drunter gha.
Aber damals isch alles anders gsi. En ganz en eigetüemlichi Stimmig hät in de Luft gläge. Alli Rägetröpfli send zrugghaltend, ja fascht schüch gsi.
Es hät dra gläge, dass eis Rägetröpfli gseit hät: “Loosset Tröpfli, mer dürfet nid uf d`Erde als Räge keie. Lueget doch emol abe.”
Neugierig händ alli Tröpfli abeglueget uf d`Erde. Gseh händ sie es Lichtermeer. Überall häts blitzt und glüchtet. Eis Tröpfli hät grüeft: “Jöööö is da schön dört unte. Det wot ich herre. Egal, ob du seisch, mer dürfe nöd abekeie. Ich gange.” Seits und loht sich loh keie.
Da Tröpfli hät aber leider nid vell vo sim Usflug gha. Es isch uf de Asphalt keit. Aber dört isches zimli gli verdunstet, wills einfach z`warm gsi isch. Vell z`warm för die Jahresziit. Die andere Tröpfli händ sich rächt verschrocke, wo sie gseh händ, wa dem chlini Rägeli passiert isch.
Sie händ sich beroote und gfunde, sie wänd nöd, dass ihne da au widerfährt.
Da hät es erste Rägetröpfli wieder es Wort ergriffe. Es hät ihne verzellt, vo de Klimaerwärmig und ihrne Folge. Dass es uf de Wält immer wärmer wird und mer vellicht irgendwänn emal kei Winter mer kennt. Die anderne händ ihm guet zuegloosset. Verschrocke sends nartüli au ganz fescht. Vor allem, wo da gschiidi Tröpfli ihne erklärt hät, wa Whynachten isch und wie d`Mensche da fiiret.
Wo sie dänn no erfahre händ, wie mer sich im allgmeine Whynachte wünscht, nämli met Schnee, da händs gjublet und gseit, dass sie da de Mensche wänd als Gschänk am heilige Obig mache.

Lueget doch emal an de Whynacht usse. Wänn ihr dänn Schneeflöckli gsend, dänket dra, dass da die Rägetröpfli könnte si, wo grad vor kurzem es Licht vo de Wält entdäckt händ.



©g.b.=Maya_Gähler
2007-12-13

Möchtest Du einen Kommentar abgeben?
Diesen Text kommentieren

Kommentare zu diesem Text


 GillSans (14.12.07)
Liebe Maya,
ich habe mich zwar sehr schwer getan mit dem Lesen, aber es hat sich gelohnt! Danke für dieses schweizer Türchen heute. Herzlichst, Gill

 Maya_Gähler meinte dazu am 15.12.07:
Tut mir leid fürs Schwertun... aber auf Schriftdeutsch oder Hochdeutsch käme es nie so rüber... finde ich...
Danke dir.
Liebe Grüsse,
Maya

 bratmiez (14.12.07)
das hätte ich gern als hörversion!
empfehlende grüßli: dat miez.

 Maya_Gähler antwortete darauf am 15.12.07:
Den Text aufzunehmen ist keine Sache, aber ihn hier bei kV einzustellen, das bring ich einfach nicht hin. Habe schon soooooo oft versucht einen Hörtext einzustellen... geht einfach nicht... Maya zu doof dazu...
Danke fürs Sternchen und den Komm :o)
Grüessli,
Maya

 souldeep (14.12.07)
hach, wie gärn heetemer doch wieder emol sone richtig
wyssi wiehnacht, hm?!

danke für de uusflug in himmel, du liebi und schneesehnsüchtigi
grüessli dir,
kirsten

 Maya_Gähler schrieb daraufhin am 15.12.07:
Ja wiessi Whynacht is eifach es non plus ultra för mi... *seufz...
suscht ka de Schnee ja scho bliebe wo er i mine Auge herre ghört... ide Berge... :o)
Merci förs läse und dekoriere
Liebi Grüessli,
Maya
Möchtest Du einen Kommentar abgeben?
Diesen Text kommentieren
Zur Zeit online:
keinVerlag.de auf Facebook keinVerlag.de auf Twitter keinVerlag.de auf Instagram